Англи хэлний олимпиад

Англи хэлний боловсролын үндэсний хөтөлбөрийн хүрээнд англи хэлний сургалтын чанарыг ахиулах, англи хэлний сурлагаар тэргүүний анги хамт олон шалгаруулах, стандартын хэрэгжилтийг тогтоох үүднээс БСГ-аас зохион явуулсан массын олимпиад амжилттай явагдаж өнгөрлөө. Олимпиадын 1-р шатанд Хэрлэн сумын ЕБС-ийн10, 11-р ангийн 1500 сурагч оролцсон бол 2-р шатанд сургууль бүрээс шалгарсан 472 хүүхэд оролцлоо.

Олимпиадын дүнг танилцуулвал :
11-р анги.
1. 1-р сургууль, 11 б анги, гүйцэтгэлийн оноо - 725, ангийн дундаж 23,3
2. 5-р сургууль, 11 а анги, гүйцэтгэлийн оноо -512, ангийн дундаж 17,6
3. 8-р сургууль, 11 а анги, гүйцэтгэлийн оноо -504,5 ангийн дундаж 16,2
4. 6-р сургууль, 11 б анги, гүйцэтгэлийн оноо - 332,5, ангийн дундаж 15,8
5. 12-р сургууль, 11 а анги, гүйцэтгэлийн оноо - 327, ангийн дундаж 13,8
6. 2-р сургуулт, 11 а анги, гүйцэтгэлийн оноо - 119, ангийн дундаж 11,9
7. Шинэ хөгжил , 11 а анги, гүйцэтгэлийн оноо -281,5, ангийн дундаж 11,26
8. Хан-уул сург, 11 а анги, гүйцэтгэлийн оноо - 317, ангийн дундаж 9,6
9. 11-р сургууль, 11 а анги, гүйцэтгэлийн оноо - 234, ангийн дундаж 9,36

10-р анги.
1. 8-р сургууль, 10 а анги, гүйцэтгэлийн оноо - 577, ангийн дундаж 27,4
2. 6-р сургууль, 10а анги, гүйцэтгэлийн оноо -548,5 ангийн дундаж 24,9
3. 1-р сургууль, 10а анги, гүйцэтгэлийн оноо - 851,5, ангийн дундаж 24,3
4. Хан-Уул сург, 10а анги, гүйцэтгэлийн оноо -688, ангийн дундаж 22,4
5. 5-р сургууль, 10а анги, гүйцэтгэлийн оноо -447,5, ангийн дундаж 18,6
6. 11-р сургууль, 10а анги, гүйцэтгэлийн оноо - 394, ангийн дундаж 17,1
7. 2-р сургууль, 10а анги, гүйцэтгэлийн оноо - 928, ангийн дундаж 16,6
8. 12-р сургууль, 10б анги, гүйцэтгэлийн оноо - 541,5, ангийн дундаж 15,9
9. Шинэ Хөгжил, 10в анги, гүйцэтгэлийн оноо -445,9, ангийн дундаж 15,3

Орос хэлний сурлагаар тэргүүлэгч ангиуд шалгарлаа

Орос хэлний хичээлийн сургалтын чанарыг дээшлүүлэх, орос хэлний сургалтыг хамгийн чанартай явуулж байгаа сургууль, багш, анги хамт олныг шалгаруулах үүднээс орос хэлний массын олимпиадыг аймгийн Боловсол соёлын газраас санаачлан зохион явууллаа. Олимпиад 2 үе шаттай явагдсан ба 1-р шатанд Хэрлэн сумын сургуулийн 1965 сурагч оролцлоо. Сургууль бүрээс ангийн дундаж оноогоор шалгарсан 8, 9-р ангийн нэг нэг анги 2-р шатанд оролцов. Олимпиадын 2-р шатанд 540 сурагч оролцосон бөгөөд 2-р шатыг орос хэлний багш нар хамтран явуулж дүнг гаргав.

8-р ангийн төрөлд:

1-р байранд 23,4 оноогоор Ж. Дэлгэрзаяа, Ө. Ганзул багштай 8-р сургуулийн 8 в анги.

2-р байранд 20,9 оноогоор оноо тэнцэж Х. Оюунсүрэн, Г. Эрдэнэтуяа багштай Хан-Уул сургуулийн 8 а, М. Оюумаа, С. Мөнгөнтулга багштай Шинэ Хөгжил сургуулийн 8 г ангиуд.

3-р байранд 20,8 оноогоор Л. Болороо, Т. Гантулга багштай 1-р сургуулийн 8 а анги.

9-р ангийн төрөлд :

1-р байранд 19,1 оноогоор П. Батсайхан, Л. Оюунтунгалаг багштай 6-р сургуулийн 9 б анги.

2-р байранд н. Ариунсанаа, Т. Гантулга багштай 1-р сургуулийн 9 а анги.

3-р байранд Б. Жамъян, Б. Болороо багштай 5-р сургуулийн 9 б ангиуд тус тус ангийн дундаж оноогоор тэргүүлжээ. Шавь нараа амжилттай сургаж байгаа багш нартаа болон сурагчдад нь ажил, сурлагын амжилт хүсье.

Англи хэлний дээрх төрлийн олимпиад 3-р улиралд явагдана.

Крил бичгийн бичлэгийн стандарт

Монгол улсын төрийн хэлний зөвлөлөөс крил бичгийн стандарт тогтоосон байна. Энд дарж татаж авна уу.

TOEFL - ийн сургалтын тухай

Дорнод аймгийн БСГ-т Англи хэлний багш нарын TOEFL - ийн шалгалтын талаарх ойлголтыг нэмэгдүүлэх, хэлний чадваруудыг нь сайжруулах болон тест өгөх арга барилд сургах зорилго бүхий сургалт 2011 оны 09-р сараас эхлэн явагдаж байгаа бөгөөд энэхүү сургалтад Хэрлэн сумын I, II, V, VI, VIII, XI, XII сургуулийн англи хэлний багш нар хамрагдаж байна. Сургалт долоо хоног бүрийн баасан гарагийн 14.00- 17.00 цагийн хооронд явагддаг бөгөөд багш нарыг урьдчилан бэлтгэсэн сургалтын материалаар хангаж академик хэлбэрээр явагдаж байна. Сургалтыг АНУ-ын Энх тайвны корпусын сайн дурын мэргэжилтнүүд болох Жон, Каеде, Криста нар явуулж байна. Тухайн сургалтад амжилттай, таслалгүй оролцсон нийт оноо 70% авсан багш нар сертификат авах болно. Үүнд:

• Attendance - Ирц
• Participation - Оролцоо
• Homework - Гэрийн даалгавар
• Quizzes - Богино шалгалт
• Binder - Хавтас / Оролцогч бүр хавтастай байх бөгөөд үүндээ гэрийн даалгавар, шалгалтын материал, сургалтын материал, тэмдэглэл зэргийг хийж явна.

Орчин цагийн боловсрол үүсч хөгжсөн 90 жилийн ойн мэнд хүргэе

Монгол Улсад орчин цагийн боловсрол үүсч хөгжсөн 90 жилийн ойн мэнд хүргэе.

Дорнод аймагт ажиллаж амьдарч байгаа нийт гадаад хэлний багш нартаа орчин цагийн боловсрол үүсч хөгжсөн 90 жилийн ойн баяр хүргэж гадаад хэл, соёл заах ажилд нь амжилт, амьдралд нь аз жаргал хүсье.

Англи хэлний ярианы чадварыг хөгжүүлэх 3 алхам

Цээжилсэн мэдлэг чадвар болж үлдэхгүй.

Гадаад хэл сурах сургах гол зарчим нь харилцаанд тулгуурлана гэж орчин үеийн гадаад хэлний сургалтын онол практикт дэвшүүлэгдээд, батлагдаад байгаа зүйл юм.

Энэ хичээлийн жилд 11 дүгээр сургуулийн санаачилгаар ЕБС -ийн 4-5 ангиудын дунд англи хэлний олимпиад зохион явуулж, бидний хэдэн багш шүүгчээр оролцсон юм. Бяцхан суралцагчид англи хэл сурч эхлээд удаагүй ч дунд, ахлах ангийн ах эгч нар шигээ олимпиаддаа багш нарын хамт уйгагүй бэлдэж тодорхой хэмжээний цаг зав, оюун ухаанаа зарцуулан байж оролцсон билээ. Тэдний хийж гүйцэтгэсэн даалгаврын нэг нь зураг тайлбарлаж ярих байв / Picture description / . Энэ даалгаврыг гүйцэтгэсэн байдлыг дүгнэж байхад дараах зүйл ажиглагдаж байв:

• Ихэнх суралцагчид тухайн сэдэвтэй холбоотой эх цээжилсэн бөгөөд заримдаа тайлбарлах гэж байгаа зурагтай холбогдолгүй байлаа
• Цээжилсэн зүйлээ ярьж байхдаа мартаж түгдрэх, түүнээсээ болж сандрах тохиолдол элбэг байсан ба шүүгчид бид тухайн хүүхдийн мэдлэг, чадварыг бус магадгүй автоматаар цээжилсэн өгүүлбэрийг, үгийн санг л үнэлэх боломжтой байв
• Багш нь хүүхдүүддээ сэдэв бүрээр эх бэлдэж цээжлүүлсэн нь илт байсан бөгөөд сэдэв сугалангуутаа хүүхдүүд бие биерүүгээ " Чиний сэдэв байна, чи ярь " гэх мэтээр ярилцаж байлаа
• Бусад хүүхдүүдээс нэгнийхээ ярьсан зүйл дээр нэмж санаагаа хэлэх хүүхэд маш ховор байсан ба тухайн сэдвээр тусгайлан бэлдсэн хүүхэд нь сандраад ярьж чадаагүй тохиолдолд багаараа " балрах " байдал ажигладгав.

Мэдээж, ийм тохиолдолд суралцагчдын өөрийн мэдлэг чадварыг олж үнэлэхэд хүндрэлтэй байсан юм. Иймээс СДМ Geoff, англи хэлний олимпиадад суралцагчдаа хэрхэн бэлдэх талаар багш нарт зөвлөмж гаргаж өгөх санаа агуулан бидэнд хандсан юм.

Түүний боловсруулсан 3 алхамт арга нь бэлтгэлийг хэрхэн үр дүнтэй хагнах тухай бөгөөд хий цээжлүүлэхээс илүү мэдлэг чадвар эзэмшүүлж, англи хэлээр өөрийгөө илэрийлж сурах дадал суулгадгаараа илүү үр дүнтэй бөгөөд маш энгийн арга юм. Тэр аргыг нь танилцуулахад : / англи хэлнээс орчуулав /

1. Хүүхдэд зураг үзүүлээд өөрсдөөр нь аль болох тайлбарлуулах. Түгдрээд ярьж чадахгуй байвал тэднээс дөхүүлсэн асуулт асуух буюу хэрэгтэй үг хэллэгийг хэлж өгнө. Эдгээр нь суралцагчдад ярьж байгаа зүйлийнхээ тухай шинээр юм нэмж хэлэх санаа өгөх, хэлсэн зүйлээ баяжуулахад дөхөм болно. / англиар ч, монголоор ч байж болно /. Жишээ нь : " What color is the bird?, " How old is the grandfather? ", " How many children / people are there? гэх мэт.
2. Багштайгаа хамтарч зургаа тайлбарласны дараа мөнөөх зургийг өөрт нь өгөөд бие даан тайлбарлах, давтах хугацаа өгнө. Багш суралцагчийн алдааг тэмдэглэж аваад өөрт нь хэлж тайлбарлаж өгнө. Хэрэгтэй бол хэрэглэсэн үг хэллэг, дүрэм зэргийг хүүхдүүдэд бичүүлнэ. Жишээ нь : " There is/are _____ in the picture. " гэх мэт. Ингэснээр хүүхдүүд жишээ харж өөр зүйлийн тухай ярихад дөхөм болно. Анх зураг өгөхдөө хугацаа товлон өгнө. 5 минутын дараа ярьж өгөөрэй гэх мэт. Энэ хооронд багш өөр хүүхэдтэй ажиллана.
3. Хугацаа болонгуут эхний суралцагчийг дуудаж зургийг нь тайлбарлуулна. Энэ удаад дөхүүлсэн асуулт тавихгуй, юм хэлж өгөхгүй, магтаж урамшуулахгүй, мөн үг сануулахгүй, яг шүүгч шиг байна. Хүүхдүүд юуг чадаж байгйй, юуг чадахгүй байгаагаа мэдэрч цаашид өөрийгөө хөгжүүлэх сэдэл тэмүүлэлтэй болно.
4. Энэ аргад нэмэлт өөрчлөлт оруулж болно.

Энэ аргыг бидний хэдэн багш өөрийн хүүхдүүд дээр болон сургалтандаа туршиж үзсэн юм. Өөр өөр төвшний ангид зарим нэмэлт хувилбартайгаар туршсан бөгөөд сайн талаас нь дурьдвал:

Сэтгэл зүйн хувьд

• Энэ арга нь багш-суралцагчийн сэтгэл зүйн сайн харилцаа тогтооход нөлөөлөх ба багш нь эхний алхамд чиглүүлэгч, 2-р алхамд дэмжигч, 3-р алхамд үнэлэгч байж хэл сурах арга барил олгоно.
• Мөн хүүхдэд хэл сурах рефлекс тогтоно. Жишээ нь: бэлтгэл үед багш нь ямар асуулт асууж байсныг хүүхэд бодит шалгалтан дээр санаж, юун тухай ярихаа мэднэ.
• Мөн багш уурлахгүй, загнахгүй, суралцагч алдаа гаргахаас айхгүй сэтгэл зүйн хувьд таатай орчин бүрдэнэ.

Үр дүнтэй

• Хүүхэд, ялангуяа бага ангид, англи хэлээр текст цээжлэх гэж их эрч хүч цаг хугацаа зарцуулдаг бол энэ арга нь хүүхэд-багш хоорондын харилцаан дээр тулгуурласан арга бөгөөд зөвхөн багшийн яриаг соносх биш ихэнх цагийг хүүхдүүдийг өөрсдийг нь яриулах замаар чадвар суулгадаг. Хэл сурах нэг арга бол тухайн хэлээр нь ярих гэсэн зарчимд нийцэж байна.
• Цээжлүүлэхээс илүү үр дүнтэй байхын нэг үзүүлэлт бол автоматаар цээжилсэн хүүхдүүд цээжилсэн зүйлээсээ өөр зүйлийг маш бага ярьдаг. Тухайн хүүхэд мартах тохиолдолд бусад нь нэмж хэлэх жигд чадвартай болно.
• Багшийн асуултыг сонсож ойлгох, түүнд хариулах аргад суралцсан байна.

Хялбар, Сонирхолтой

• Мөн энэ арга нь давтамжит арга учир хүүхдүүд өмнөх зүйлээ мартсан бол дараа нь сайжруулах бүрэн боломжтой бөгөөд давтах тоолонд шинээр эзэмшсэн үг хэллэгээ турших, хэрэглэх боломж, сэдэл төрүүлнэ.
• Багш дуудлагын болон дүрмийн алдааг байнга өөрөөр нь засуулдаг. Ингэснээр суралцагчид эхнээсээ буруу болон хазгай ярьж сурахаас зайлсхийж чадна.
• Багш суралцагчдын аль аль нь цагийг дэмий үрдэггүй, хүүхдүүдийг залхаадаггүй
• Олон үйл явдалтай, сонирхолтой зураг бэлдэх л багшийн гол үүрэг байна.

Хүн бүхэнд тохиромжтой

• Энэ аргыг зөвхөн англи хэлний олимпиадад оролцогчид бус өдөр тутмын хичээлд хэрэглэхэд нэн тохиромжтой. Хүн бүр л ийм аргаар хэлийг сурч чадна. Мөн багшаас тусгай ямар нэгэн авьяас шаардахгүй. Асуудал зөвхөн хугацаанд байж болно.

Гэрийн даалгавар бага бөгөөд тохирсон

• Текст цээжилнэ гэдэг хэцүү гэрийн даалгавар 4-р ангийнханд хийх хэрэггүй. Учир нь суралцагчид хүссэн үр дүнгээ гэрийн даалгаваргүйгээр олж авна. Гадаад хэлийг ангид, багшийн хамтаар дадлага хийж байж хамгийн сайн сурна.
• Гэрийн даалгаварт тухайн сэдвийн хүрээнд хэрэглэгддэг үг хэллэг цээжлэх, давтах л даалгавар өгч болно

Асуух ба хариулах

• Багш асуултыг бүр тодорхой үг, хэллэг, эсвэл хэл зүйн дүрмийн төрөл дээр дадлагажуулна. Багшийн үүрэг нь суралцагчдаас эдгээр асуултуудыг асууж тэдэнд хариултыг сануулж, санаа өгөх замаар хариу өгүүлбэр хэлэхэд нь тусалж алдаа гарсан тохиолдолд өөрөөр нь залруулах, эцсийн аргад өөрөө зач өгөх явдал юм.
• Энэ нь суралцагчдыг маш сайн төвлөрүүлж өгдөг, тэд багшийг байнга сонсож, их ярьна
• Маш завгүй, ажиллахыг шаардсан уур амьсгал дунд явагдана.

Хугацаа

• Хугацаа чухал үүрэгтэй. Бид суралцагчдын чөлөөтэй ярих чадварыг / fluency / хөгжүүлэх гэж байгаа учир энд маш их хугацаа, хичээл зүтгэл зарцуулна.

Алдаа засах

• Суралцагчдын гаргасан алдааг өөрөөр нь засуулдаг. Гэхдээ энд ярихыг голлосон болохоос алдаа бүрийг засахыг зорилгоо болгохгүй.
• Мөн суралцагч бусдын хариултаас өөрийн алдааг олж засах боломжтой.

Зөвхөн асуултанд хариулах биш

• Багш зөвхөн асуултанд хариулахыг заах биш харин суралцагчдыг бүтэн өгүүлбэр бүтээхэд сургаж, судалж байгаа үг болон хэл зүйн дүрмийг зөв хэрэглэхэд дадлагажуулдаг.

Орос хэлний Улсын олимпиад

Улсын аварга багш шалгаруулах орос хэлний олимпиад 2011 оны 5 дугаар сарын 4-6 ны өдрүүдэд Улаанбаатар хотноо МУБИС дээр явагдлаа. Олимпиадад аймаг, нийслэл, дүүргээсээ шалгарсан багш нар оролцсон бөгөөд манай аймгаас 5-р сургуулийн орос хэлний багш, АБТА Б. Жамьян амжилттай оролцож тусгай байр эзэлсэн байна. Аймаг орон нутгаа төлөөлөн оролцож амжилт гаргасан багшдаа нийт гадаад хэлний багш нарын өмнөөс баяр хүргэж ажлын амжлт хүсье!